السلام عليكم كلبابيكم
احم احم
هذي قصيده الى حبيبتي الغاليه ( حسبي الله على خشتها ) التي أسرتني بحبها البريء وجعلتني اتخبط في دهاليز الغرام ابحث عنها ولم اجدها حتى الآن .. قلت بما اني ابحث عن حبيبه فسوف اكتب لها قصيده حتى اجدها .. لأنها اذا جت وحبتني وحبيتها تكون بذلك القصيده جاهزه ماروح اضيع وقت اكتب قصيده فيها .. اقوم وامحطها بالقصيده ونشوف مواضيع اخرى حول تكوين االعلاقه والنظره الى المستقبل الاسري
وحبيت اشارك بها معكم لين الله يكتب وتجينا الحبيبه المنتظره
احم احم
بسم الله
خرطوش حبه وصّله في مقرّه
وسط الحنايا ركب الزين خرطوش
وفك الغرام وقام قلبي يغرّه
لين اظهره غرقان بالحب مربوش
ومرّه يغفص القلب ومرّه يجرّه
مابين رفس وركل وأحيان بالشوش
وفشح عليه وقام قلبي يعرّه
واسمه بحد الموس فالقلب منقوش
وسم الهوى في داخل الصدر ذرّه
سريع بالمفعول ماهوب مغشوش
وعشعوش حبه فوق كبدي يمرّه
يانعنبو حيّه على الكبد عشعوش؟!
راحت حياتي بين حلوه ومرّه
بين الأمل والياس والقلب منهوش
كله سبب من شفت منه المضرّه
الليَ غلاه بداخل الصدر مرشوش
شوفه شفاء شوفي بخيره وشرّه
وغيره من العالم عن الشوف مكروش
لو عاقل الشلات شفتوه مرّه
مجنون وسط المنتدى عذره ( الموش )
يحشش على الاطلال لله درّه
معذور لو يدخل مع الناس في هوش
يااااااوجد عينه فالهوى الجيب طرّه
والعظم من خله غدى اليوم مبروش
وسلامتن تسلمكم
من باب اختلاف الثقافات, إذا وجد كلمات غير مفهومه فإني كفيل بالترجمه